ZanFix ni jukwaa la kisasa la mtandaoni linalotumika kama orodha ya biashara (Business Directory) kuwaunganisha wauzaji, watoa huduma,
na wateja ndani ya Zanzibar. ZanFix inafanya kazi kama daraja la mawasiliano pekee na haihusiki na mchakato wa mauzo, malipo, au usafirishaji wa bidhaa/huduma.
Kwa kujiunga na ZanFix, unakubali kufuata Miongozo na Taratibu hizi kwa ukamilifu.
Ufafanuzi wa Istilahi
ZanFix - Jukwaa la mtandaoni linalomilikiwa na ZanFix linalotoa huduma ya kuunganisha na kutangaza wafanyabiashara.
Mfanyabiashara - Mtu binafsi au kampuni inayojitangaza kupitia ZanFix ili kupatikana na wateja.
Mteja / Customer - Mtu anayetafuta bidhaa au huduma kupitia ZanFix.
Bidhaa / Products - Vitu vinavyouzwa na mfanyabiashara kupitia jukwaa letu.
Huduma / Services - Kazi au utaalamu unaotolewa na mtoa huduma kwa malipo.
Taarifa za Kibinafsi - Data yoyote inayoweza kukutambulisha kama jina, namba ya simu, anuani, barua pepe, n.k.
Muamala (Transaction) - Makubaliano yoyote ya kibiashara au kifedha yanayofanyika moja kwa moja kati ya Mfanyabiashara na Mteja nje ya jukwaa la ZanFix.
Kujiunga na ZanFix.
1. Masharti ya Kujiunga
(Mfanyabiashara) Kuwa na umri wa miaka 18 au zaidi
Kuwa na biashara halali iliyosajiliwa (au utaratibu wa kufanya biashara)
Kutoa taarifa sahihi na za kweli kwenye fomu ya usajili
Kukubali sheria, kanuni na sera za faragha za ZanFix
Kukubali kuwa ZanFix ni jukwaa la matangazo na si msimamizi wa mauzo yako.
2. Mchakato wa Kujiunga
Jaza fomu ya usajili kwa taarifa kamili na sahihi
Wasilisha maombi yako kwa timu ya ZanFix
ZanFix itachambua maombi yako ndani ya masaa 24 ya kazi
Utapokea taarifa ya kukubaliwa au kukataliwa kupitia barua pepe au WhatsApp
Kumbuka: ZanFix ina haki ya kukataa ombi lako bila kutoa sababu ikiwa sheria au kanuni hazijatimizwa.
Majukumu ya Mfanyabiashara
Ukweli na Uaminifu - Kutoa maelezo sahihi kuhusu bidhaa au huduma zako.
Miamala ya Kifedha - Mfanyabiashara anawajibika kikamilifu kukubaliana na mteja kuhusu namna ya malipo na kutoa risiti halali kwa mujibu wa sheria.
Usalama - Kuchukua tahadhari wakati wa kukutana au kufanya biashara na wateja wapya wanaopata mawasiliano yako kupitia jukwaa.
Bei Sahihi - Kuweka bei zilizo wazi na bila siri.
Kutunza Siri za Jukwaa - Kutoshirikisha taarifa za ndani za ZanFix na watu wengine.
Kufuata Sheria za Nchi - Kuzingatia sheria za Zanzibar na Tanzania kuhusu biashara, ushuru na ulinzi wa watumiaji.
Kulipa Ada Zilizokubaliwa - Kukamilisha malipo yoyote yanayotakiwa na ZanFix kwa wakati.
Bidhaa na Huduma Zisizoruhusiwa
ZanFix haito orodhesha bidhaa au huduma zifuatazo:
Bidhaa haramu au zilizopigwa marufuku na sheria
Dawa za kulevya au vitu vya kusisimua
Silaha au vitu vya hatari
Bidhaa ghushi au zilizoivunja hakimiliki
Huduma za kashfa au ulaghai
Maudhui ya chuki, ubaguzi au unyanyasaji
Bidhaa au huduma zinazokiuka maadili ya jumuiya
Malipo na Ada
ZanFix haishiriki, haipokei, wala haisimamii malipo yoyote ya bidhaa au huduma kati ya mteja na mfanyabiashara.
Ada ya Usajili - Hakuna ada ya usajili wa awali. Kujiunga ni bure!
Ada ya Matangazo (Subscription) -ZanFix inaweza kutoza ada ya kudumu (fixed fee) kwa ajili ya kuorodhesha biashara au kuipa kipaumbele kwenye matokeo ya utafutaji.
Miamala ya Nje - Malipo yote yatafanyika moja kwa moja kati ya mteja na mfanyabiashara (kwa taslimu, benki, au simu). ZanFix haitahusika na madai ya marejesho ya fedha au migogoro ya malipo.
Kusitisha Ushirikiano
ZanFix inaweza kusitisha ushirikiano wako kwa sababu zifuatazo:
Ukiukaji wa sheria au kanuni zozote za ZanFix
Kutoa taarifa za uongo au kughushi hati
Kushindwa kutoa huduma au bidhaa kwa wateja
Madai mengi ya wateja dhidi yako
Wewe unaweza kusitisha ushirikiano kwa:
Kuwasilisha ombi la kuondoka kwa maandishi
Kutoa taarifa ya siku 7 kabla ya kuondoka
Mchakato wa Uhakiki (Verification Process)
ZanFix imejitolea kuhakikisha kuwa jukwaa letu linatumiwa na wafanyabiashara waaminifu na halali. Kabla ya biashara yako kuanza kuonekana hadharani, timu yetu itafanya ukaguzi ufuatao:
01
Uhakiki wa Nyaraka
Kukagua leseni ya biashara, kitambulisho cha taifa (NIDA), au vibali husika vya mamlaka za Zanzibar (kama ZRB, ZIPA, au Bodi ya Utalii kwa huduma za kitalii).
Leseni ya Biashara Kitambulisho cha NIDA Vibali vya ZRB/ZIPA Bodi ya Utalii (kwa huduma za kitalii)
02
Uthibitisho wa Mawasiliano
Kupiga simu au kutuma ujumbe kwenye namba zilizotolewa ili kuhakikisha kuwa mmiliki wa biashara anapatikana na anajibu kwa wakati.
Tutawasiliana nanyi kwa namba mtakayotowa kwenye fomu ya usajili. Hakikisha namba yako ni sahihi na inapatikana.
03
Ukaguzi wa Eneo (Physical Verification)
Kwa biashara zenye ofisi au maduka ya kudumu, timu ya ZanFix inaweza kuhitaji picha za eneo la biashara au kutembelea eneo hilo ili kuthibitisha uwepo wake.
Tayarisha picha za duka lako, leseni iliyowekwa ukutani, na eneo la jirani kwa uthibitisho wa haraka.
Kumbuka Muhimu
ZanFix ina haki ya kuomba maelezo ya ziada wakati wowote au kuiondoa biashara kwenye jukwaa ikiwa itagundulika kuwa taarifa za uhakiki zilikuwa za uongo au biashara imepoteza sifa za kisheria.
Muda wa Kukamilisha Uhakiki
Siku 1-2Uhakiki wa Nyaraka
Siku 1-2Uthibitisho wa Mawasiliano
Siku 2-3Ukaguzi wa Eneo (kama unahitajika)
Jumla ya muda: Siku 2 hadi 7 za kazi (kwa wastani)
Sera ya Faragha (Privacy Policy)
ZanFix inathamini faragha yako na inajitolea kulinda taarifa zako za kibinafsi. Sera hii inaelezea jinsi tunavyokusanya, kutumia, kuhifadhi na kulinda taarifa zako.
1. Taarifa Tunazokusanya
Jina kamili
Namba ya simu
Anuani / Eneo la biashara
Jina la biashara / duka
2. Jinsi Tunavyotumia Taarifa Zako
Kukuhudumia - Kutengeneza na kusimamia akaunti yako
Mawasiliano - Kuonyesha mawasiliano yako kwa wateja wanaohitaji huduma zako.
Kuboresha jukwaa - Kuchambua takwimu na kuboresha huduma zetu
3. Usalama wa Taarifa Zako
ZanFix inatumia teknolojia za kisasa za usalama (encryption, firewalls, access controls) kulinda taarifa zako dhidi ya upotevu, wizi au matumizi mabaya. Taarifa zako zinahifadhiwa kwenye seva salama na wahitimu wetu wanaofuzu ndio pekee wenye ufikiaji.
Uthibitisho wa Usalama: Seva zetu zinalindwa na SSL encryption (TLS 1.3), firewall, na kaguzi za usalama mara kwa mara.
4. Kushiriki Taarifa na Watu wa Tatu (Third person)
ZanFix HAIUZI au HAISHIRIKI taarifa zako za kibinafsi kwa watu wa tatu kwa madhumuni ya kibiashara. Hata hivyo, tunaweza kushiriki taarifa zako katika mazingira yafuatayo:
Kwa mamlaka za sheria ikiwa tunatakiwa kwa sheria
Kwa kukusanya takwimu za jumla zisizokutambulisha wewe
5. Haki Zako kuhusu Taarifa Zako
Kwa mujibu wa sheria ya ulinzi wa data, una haki zifuatazo:
Kufuta - Kuomba taarifa zako zifutwe (ikiwa hakuna sababu ya kisheria ya kuzihifadhi)
Kukataa - Kukataa tunapotumia taarifa zako kwa madhumuni ya uuzaji
Ili kutumia haki zako, wasiliana nasi kwa: +255 651 527 779
6. Mabadiliko ya Sera ya Faragha
Tunaweza kusasisha Sera ya Faragha mara kwa mara. Mabadiliko yoyote muhimu tutakujulisha kwa barua pepe au kwa taarifa kwenye jukwaa letu. Sera ya sasa inakuwa halali mara tu inapochapishwa hapa.
Kwa kujiunga na ZanFix, unathibitisha kuwa umeisoma, kuelewa na kukubali sheria, kanuni na sera za faragha zilizoelezwa hapo juu. Unakubali kufuatwa na mabadiliko yoyote ya baadaye ambayo yanatolewa na ZanFix.
Kukubali kwako:
"Nimesoma, nimeelewa na nakubali sheria, kanuni na sera ya faragha ya ZanFix kwa hiari yangu."